بصوا ياحبايبي انا بجد عن تجربة شخصية انا لسة والدة من سبع شهوور والحمد لله واهم حاجة هقولهالكم
ان اختي وهيه بتولدني قالتلي (المنتدى ساعدك كتيييييييييرقوي يالولو في انك ولدتي طبيعي وبالسرعة دي)
وفعلا انا عرفت المعلومة اللي هقولهالكم من فتوكة قمر هنا بس ناسية اسمها ربنا يجازيها عني كل خير ...
الحمد لله ولدت خلال 5 ساعات بالظبط من اول الطلق لأخرة خلال اول اربع ساعات ونص كان الرحم فاااتح 4سم فقططططططططططططط
واختي قالت خلاص لايمكن ده اكيد قيصري لأن الرحم مش راضي يفتح اكتر من كده
- المهم انا بقة لما لاقيت نفسي الطلق صعب وبييجي ورا بعضه و فتحة الرحم ثابتة قلت لا انا هجرب الأأأأأأأأأتي
طريقة اني انظم نفسي مع الطلق يعني الشهيق والزفير والله العظيم يابنات سبحانك ياااارب انا كنت بتألم جدا جدا قبل ماعمل كده والمفروض ان كل ما الوقت يعدي الطلق يشد انا بقة بعد ماجربت لقيت نفسي الأم خف جدا والله مابكدب ايوة الأم خف زي...
الطريقة:-
انا كنت باخد نفس عمييييق جدا ووانا صدري بترفع مع الشهيق كنت بحس كأن اللأم بيخف قوي زي ميكون ان الرئة وكل اعضائي
بتترفع من على الحرم فالضغط عليه بيخف فلألم بيقل وفي الزفير بطلع النفس بردو بقوة بس مش بحزق لالالالا انا بطلعه بقوة وبطول قوي في كأنه بنفخ بالونة جدا
فسبحان الله ده يعمل ضغط على الرحم بدفعة فيساعد ان ان النونو ينزل ويضغط على الرحم فيتفتح بسهولة وسبحان الله يابنات الرحم فتح خلال النص ساعة الأخيرة دي بقة 9سم وواختي بتكشف علية مصدقتش قالت مش معقولة لايمكن ازاي بسرررررررررررررعة على العمليات وولدت وانا على التوروللي قبل مأوصل تخيلوووو...............
-دي نصيحتي مممنوع صررررييخ وعياااط لا بالعكس نظموا النفس وركزوا مع الطلق وبين الطلق والتانية اذكري الله وادعي لنفسك ولكل اللي وصوكي بالدعاء ومتنسيش اخواتك المحرومين من الزرية
ارجوكوا خلوا الدعوة دي ثاابتة عند كل واحدة بتولد ادعوا لكل مشتاقة للزرية هنافي فتكات وفي الدنيا كلها
بحبكم في الله قوي يااغلى صحبة في الله استفدت منك يافتكاات كتيييييييييير قوي وقلت افيدكوا بمعلومة صغيرة وبردو خدتها منكم بس بعد مجربتها
انا لقيت الكلام ده في موضوع وقلت انقله ليكم عشان تتأكدوا من كلامي وبردوا يبقة كلام علمي اكتر واحسن من كلامي ...اسيبكم مع الموضوع :-
يساعد التنفس بالطريقة الصحيحة أثناء الولادة على تخفيف ألم الولادة ، و كذلك يسهل عملية الولادة نفسها.
طرق التنفس أثناء المرحلة الأولى من الولادة
التنفس البطيء Slow breathing:
ابدئي التنفس ببطء عند الشعور بانقباضات الرحم القوية التي تجعلك لا تستطيعي المشي. عند بداية انقباضات الرحم ( الطلقة ) خذي نفس عميق من الأنف ببطء ثم أخرجي هواء الزفير من الفم كأنك تتنهدي بعمق. استخدمي هذه الطريقة في التنفس مادامت تساعدك و تقلل الألم . و إذا لم تأتى بنتيجة معكي غيري إلى طريقة أخرى.
التنفس السريع الخفيف Light accelerated breathing:
أغلب السيدات تستخدم هذه الطريقة في بعض الأوقات من المرحلة النشطة للولادة Active Phase Of Labor. يتم التنفس سريعا سطحيا ليس بعمق من الفم بمعدل شهيق و زفير واحد في الثانية. يكون الشهيق في هدوء و الزفير بصوت مسموع. اجعلي قوة الانقباضات الرحمية ( الطلقة ) هي التي توجهك متى تستخدمي التنفس السريع الخفيف.
كلما زادت قوة الطلقة قومي بجعل التنفس سريع و سطحي ( ليس عميق ). فإذا كانت ذروة ( قمة ) حدة الطلقة تأتى سريعا عليكي ببدء هذا التنفس سريعا . أما إذا كانت قمة قوة الطلقة تأتى تدريجيا فعليكي البدء في استخدام هذه الطريقة من التنفس تدريجيا . و بذلك يزداد معدل سرعة التنفس مع زيادة حدة ( قوة ) الطلقة ليصبح سطحي و سريع . و مع نقص قوة الطلقة قومي تدريجيا بجعل التنفس بطئ و عميق و يكون الشهيق من الأنف و الزفير من الفم.
و معنى ذلك أنكي في بداية شعورك بالطلقة استخدمي الطريقة الأولى للتنفس (التنفس البطيء ) ، و مع زيادة قوة الطلقة غيري لاستخدام الطريقة الثانية ( التنفس السريع الخفيف ) ، ثم مع نقصان قوة الطلقة ارجعي مرة أخرى للطريقة الأولى للتنفس.
التنفس المتغير Variable breathing:
و هي طريقة أخرى بدلا من استخدام الطرق السابقة. في بداية الطلقة خذي شهيق عميق من الأنف ثم زفير من الفم ثم خذي شهيق و زفير سطحي سريع من الفم متكرر بمعدل 5-20 شهيق و زفير كل 10 ثواني . ثم بعد كل 3-4 مرات تنفس بهذه الطريقة خذي نفس عميق . كذلك عند انتهاء الطلقة خذي نفس عميق باسترخاء مع تنهيدة .
طرق التنفس في المرحلة الثانية من الولادة
في تلك المرحلة تحتاجي إلى الدفع لكي تساعدي الجنين في الخروج . في بداية الطلقة خذي نفس عميق من الأنف و أخرجيه من الفم . و عند الشعور بالحاجة القوية للدفع خذي نفس عميق و كبير و احبسيه ثم اضغطي به إلى أسفل تدريجيا . بعد 5 ثواني تنفسي بعمق حتى يأتي الشعور بالحاجة إلى الدفع مرة أخرى . و يتكرر هذا 2-3 مرات في الطلقة الواحدة . بعد انتهاء الطلقة تنفسي باسترخاء تام.
منقوووووول طبعا
يارب بقة استاهل دعوة صغيرة منكم ان ربنا يجمعني بزوجي قريييب الله يخليكم وربنا يباركلي في ابني ويشفيه
بحبكم جدا
فيه فتوكات كتييير بتدخل تقرأ الموضوع وتطلع من غير دعوة حتى وانا هعرفهم بالأسم وانا بقة وراهم وراهم والزمن طويل ...وكلام اخوك الكبير يصير حسنييييييييييين هههههههه متخافوش بهزر والله
بس عشان خاطري ادعيلي قبل متطلعي من الموضوع من غير متردي عليه عايزة بس دعوة صغيرة يابخيلة منك ليها
قربت اشحت الدعوة ياجماعة
