تجربة بنوته فى ازالة القشرة بسهوله
كانت القشره عندى شكلها صعب اوووووى وكانت بتزيييييييد اكتر فى الشتا من المايه السُخنه
واعتقد كدا كانت قشره مرضيه اللى هى مبتروحش دى ودى اصعب انواع القشره
لان انا كمان شعرى دهُنى فكانت بتزييييييييد اوى ... ما هى زاطتتتتتت بقى
وبعدين جربت قبل كدا الليمون والخل نشفوا شعرى ومعملوش اى حاجة
المهم روحت لماما وانا حزينه قولتلها بصى يا ماما المنظر راحت بصتلى كدا لا مش معقول وقالتلى ايه الارف ده
قولتلها لاحظى ان كلامك جارح وطلعت وانا متضايقة
قولت لما امى اللى مخلفانى عملت كدا اومال لما اتجوز
وانا خطيبى اصلا مش بيعجبه العجب و يلمح كدا هيبقى ايه وضعى ساعتها
ولقيت وصفه غريبه بس قولت اجربها
’’ الريفو’’
كانت بنوته قايله ان اللى عندها قشره تجيب اسبرين ريفو من الصيدليه اللى هو الاخضر بتاع زمان الشريط بـ ربع جنيه
وناخد اتنين وندوبهم فى كوبايه مايه
واحنا بناخد الشاور وشعرنا مبلول نحطه عليه لحد ما نخلص وبعدين نشطفه وخلاص كده
قولت ماشى هقوم اعملها وجبت الريفو بس انا دوبت
اربعه او خمسه لان انا حالتى مستعصيه شويه
وحطتتهم
المهم بعديها بكام يوم لسه فيه قشره بس قلت شويه عن الاول قولت هجيب تانى واعملها
وعملتها لتانى مره ولتانى مره بدفع ربع جنيه ومش عارفه على حساب مين الفلوس اللى بتتدفع دى بس يالا المهم النتيجه فى داهيه الفلوس هنفضل نحوووش لحد امتى باضحك
وكانت المفاجأه بشوف شعرى فى المرايا
والله ما فى ولااى حاااااااااجة
قولت بقى اروح لماما واوريها شعرى وانا كل ثقه بس رجعت فى كلامى قولت استنى كمان يومين لحسن القشره ترجع تانى ويبقى شكلى طييين
واستنيييييت ومرجععععععتش
خرج ولم يعد باي باي
ورحت وريت شعرى لماما وهى مش مصدددددددقه قالتلى عملتى ايه
قولتلها بعينك يا بطه بس بعد كدا قولتلها
غلبانه بردو وبعدين الست دى امى وعلى رأى اللمبى ست الحبايب يا حنانه انتى وكدا يعنى
والحمد لله بجد انا مش مصدقه انها راااااحت
والله مكنتش بقول فى سرى غير ياربى اشفينى وعافينى من القشره والحمد لله انتهت خااااااااااااااااااااااااااااااااااااااااااااااااااالص
اللهم انى اسألك باسمك الاعظم يا حى يا قيوم الذى اذا سألك به احد من عبادك اجابته ان ييسر لكم حالكم وان يديم الفرحه فى قلوبكوا وان يجعلكم مستجابين الدعُاء اللهم اميييين يارب
اختكم نونى
