تعليم القيادة للنساء: وكيفية النجاح في امتحان الشارع من أول مرة

تعليم القيادة للنساء

كنت كأي أمراة تحلم بتعلم القيادة لقضاء اموري ومعاملاتي وقتما أشاء والحمد لله تحقق هذا الهدف، وسوف أذكر لكم بالتفصيل كل ما حدث معي وأهم النصائح والاسرار لإجتياز أختبار السياقة بسلام في هذا المقال.

دربتني سيدة على اختبار (L)والباركينج وهذا ما أنصح به البنات تعلمي في البداية وخاصة هذه المهارة مع سيدة، ولكن بعد النجاح به وفي المرحلة التالية أنصحك بأن تبحثي عن معلم رجل ويجب وجود محرم معكم أثناء التعلم.

لماذا أختار معلم رجل للتدريب على إجتياز إمتحان الشارع؟

الرجل سوف يعطيكي مهارات بشكل أفضل وأسرع ومرتبة من السيدة (ولا أعني جميع المدربات) وسوف يدربك على النقاط الهامة التي يسأل عنها الضباط أثناء الامتحان ويفشل في أغلبها المتدربون. لذلك اختاريه لاجتياز أمتحان الشارع بسرعة.

نصيحة هامة

أسألي عن أفضل المدربون جيداً أسألي من في المدرسة من عمال أو حارس البوابة، ولا تسألي الإدراة فهو يريد أن يعمل كل موظفوه وسوف يقول لك كلهم ممتازيين.

عن نفسي سألت سواق التاكسي الذي اعتاد على أخذ الطلبة من أمام (مدرسة تعليم القيادة)إلى منازلهم، وفعلاً لأنه يتحدث كثيرا مع الطلبة فعنده خلفية بالمدربين في المدرسة، ومن هم الطلبة الذين نجحوا وأخذوا الرخصة من أول مرة.

امتحان الشارع
كيف انجح في امتحان الشارع .. تقريبا كل الدول العربيه واعني الخليج (السعودية) نفس الامتحانات والاختلاف بسيط.

الملاحظ فى الغالب ان الناس التي تعلمت القيادة من قبل في دول أخرى، هى التي ترسب وتاخد الرخصه بصعوبه، والسبب أنهم بالفعل لديهم ملكة القيادة والتي غالبا ما تكون مخالفة لما هو مطلوب فى امتحان القيادة في السعودية أو الامارات أو قطر.

هذا بخلاف الأشخاص الذين قد تم تعليمهم السياقة في الدول العربية السابقة فهم يحققون النجاح سريعا في امتحان السواقة.

نصائح في تعليم القيادة للنساء

الثقه بالنفس وعدم الخوف هما اساس تفوقك ونجاحك، لا اخفي عليكن لقد ارتبكت قبل الامتحان مباشرة ولكني تذكرت نصائح الاطباء النفسيين بالتركيز على التنفس عند الشعور بالخوف وارتحت بالفعل بعد هذا وعند اداء الاختبار بدءت بسم الله ووفقني الله سبحانه وتعالى.

كوني حذرة من الانفعال وركزي على الثبات الانفعالي حتى لو غلطتي اظهرى الهدوء وعدم الحركة.

امتحان السياقة

إليك نصائح للنجاح في امتحان السياقة و كيفية اجتياز اختبار القيادة بسهولة.

بداية الامتحان: اول او تانى او اخر واحده مش فارقه اهم حاجه الثقه واحترام الضابطه

1-اول ما تركبي السيارة ظبطى الكرسي وشوفى رجلك بتعرف تدوس على الفرامل بشكل كامل(رجللك بتثبتيها بين الفرامل والبنزين ومشط رجلك هو اللى بيدوس)

2-البسي الحزام

3-تاكدى من كل المرايات:

فى المرايات الجانبيه اليمين واليسار لازم تشوفى الشارع ونصف مقبض الباب الامامى وكامل مقبض الباب الخلفى فى المراية وانتى جالسة على الكرسي

المرايات اللى فى المنتصف ظبطيها

4- ثم نزلى الهاند بريك (اوعى تنسيه واحده نسيته معايا سقطت بعد فتره من طلوعنا من المدرسه الظابطه سألتها مش حاسه ان العربيه تقيله البنت تنحت قالتلها الظابطه ايه الاشارة الحمراء اللى امامك ديه البنت قالت مش عارفه قالتلها خدتى دورة كامله ومش عارفه الاشارة ديه نزلى الهاند بريك ديه اشارتها)

5- قبل ما تطلعى شوفى المرايات وتأكدى من خلو طريقك

خاصة اللى فى منتصف السيارة

مهمه تبصي فيها وانتى طالعه من اى بركن

وبصى كمان على المرايه اللى طالعة فى اتجاهها لويسار يبقي المرايا اليسار لو يمين يبقي تبصي فى اليمين

وادى بصه صغيرة على كتفك وانتى خارجة من البركن (النقطه العمياء)

كل النظرات ديه فلاش ما طوليش

6-دوسي فرامل للاخر واعملى D واطلعى

6-لو نور الطوارئ شغال اطفيه قبل ما تطلعى اللى هو المربع الاحمر بتاع البركن

7-دخلت الشارع مهمه جدا

لو يمين بتحضنى على الرصيف وبتاخدى شكل القوس

وتوقفي العربيه على رأس القوس قبل الخط

وتقفى على رأس القوس قبل الخط (فى الرسمه العربيه جايه على الخط وده غلط لازم قبل الخط بشويه صغيرة)

وتبصي يمين ويسار

وقبلها طبعا بفترة كفاية تكونى عاملة اشارة يمين (حتى لو الطريق اجبارى يمين او جهه واحده لازم اشارة)

-لو يسار والشارع ما فيهوش خطوط على الارض بتوسعى وبتاخدى شكل حرف L

-لو داخله يسار و فى خط على الشارع اللى دخلاه لازم مقدمة السيارة تكون على الخط او قبله بقليل(بالنظر بتوزنيها)

انا مثلا داخله الشارع ده يسار

شوفتى السيارة وقفه قبل الخط الذي في منتصف الشارع المقابل لها يساراً

هتلفى يسار بعد ما تبصي فى المرايه اللى فى المنتصف والمراية اليسار

الكلام ده بيطبق لاى دخله يسار لازم مقدمة السيارة تكون موازية للخط الذي يقسم الشارع اللى عايزة ادخله

🖒دخول العربيه يمين او يسار مهم جدااااااا الظابطه بتاخد بالها من كده ونجاح او سقوط

لازم تدخلى اى شارع من غير ما تيجى على الخط دخلتك تبقي مضبوطه على الحاره بعيد عن الخط

الدورات:

الدوار الحارة اللى دخلتى منها تخرجى منها وده القانونى

فى مدربات بيدربوا غير كده

🍉الدوار بتقسميه زى البطيخه 🍉(علشان نفسي فى البطيخ)

يمين

ويسار

الـــــدوار يمين:

جزئين

دوار يمين

ودوار مستقيم او سيده

لو قالتلك يمين الدوار

خدى الحارة اليمين وادى اشارة اول ما توصلى لعلامة 100 متر قبل الدوار

وبتهدى من المنشار الثانى مش الاول ولازم تدخلى اى دوار وانتى سرعتك بطيئه علشان تقرأية كويس وتسحبي بسرعه لو الطريق فاضى.

وانتى داخله الدوار بتبصى يسارك من مسافه بعيده من اول المنشار الاول او الثانى وتراقبي وتقرئى الدوار جيداااااااااااااااا

الاشاره ايه حمراء وله خضراء وله اصفر متقطع و الدوار فاضى من السيارات وله هتنتظرى وتخلى القادم من اليسار يعدى لان الاولوية له

(ده لو انتى اول واحدة داخله الدوار وما فيش امامك اى سيارة

لو فى امامك سيارة انتى بتراقبي السياره اللى امامك طبعا علشان لو وقفت فجأه تلحقي نفسك)

أهم شئ وانتى خارجه من الدوار ادى اشارة يمين علشان السيارات تعرف انك خارجه

-لو قالتلك خدى الدوار( مستقيم )

بتااخدى الحارة اللى فى النصف لو دوار 3 حارات

لو دوار حارتين بتاخدى الحاره اليمنى

ما فيش اشاره هنا قبل علامة ال100 متر الاشاره فقط وانتى خارجه بتدى يمين

-لو الدوار ما فيهوش رسمه الدواير

خلى بالك بتدخلى (المستقيم) بشكل القوس كأنك رايحه يمين بس انتى هتاخدى مستقيم مش يمين

بمعنى انتى بتوسعى لسيارة جمبك تدخل

ولو الدوار كبير بتدى نظره يمين وانتى خارجه منه فقط

أهم شئ وانتى خارجه من الدوار ادى اشارة يمين علشان السيارات تعرف انك خارجه وما تعطليش حد

الــــــــــــدوار يسار:

جزئين

دوار يسار

و دوار يوتيرن

قالتلك الدوار يسار

تعملى اشارة يسار وتاخدى الحارة اليسار

بتعملى اشارة من ال100 متر قبل الدوار وتسيبي الاشارة شغاله الى ان تخرجى من الدوار

الدخلة مهمه جدا سواء اليسار او لليوتيرن نفس الدخله واحده الى الدوار:

طبعا بعد ما تأكدتى من الاشارة وخلو الدورا

ادخلى الى الدايرة الاولى الصغيره بشكل مستقيم

بمعنى سيبي الدريكسيون الفراغ الكبير لاعلى الى ان تصلى الى الدايرة بتاعتك بتلفى مع الشكل وتاخدى الدوران حسب شكل الدوار

تدى اشارة يمين وانتى خارجه علشان السيارات الاخرى تعرف انك خارجه ويتحركوا

واخرجى الى الحارة اليسري

واسرعى ثم ادى اشارة يمين وروحى الحارة اليمنى لو طريق حارتين

لو طريق ثلاث حارات بتروحى الحاره اللى فى المنتصف

لماذا؟

لانك لو استمرتى يسار وانتى بطيئه هتجبري السيارات اللى وراكى على تجاوزك من اليمين وهتوقعيهم فى الغلط بسببك

-لكن ممكن تفضلى فى الحارة اليسرى ان سرعتى وخدتى نفس سرعة الشارع لكن لو هتقلى عن سرعة الشارع

انقلي من الحارة اليسرى .

قالتلك الدوار يوتيرن

نفس خطوات الدوار يسار لكن بتلفى يوتيرن

تعملى اشارة يسار وتاخدى الحارة اليسار

بتعملى اشارة من ال100 متر قبل الدوار وتسيبي الاشارة شغاله الى ان تخرجى من الدوار

طبعا بعد ما تأكدتى من الاشارة وخلو الدورا

ادخلى الى الدايرة الاولى الصغيره بشكل مستقيم

تدى اشارة يمين وانتى خارجه علشان السيارات الاخرى تعرف انك خارجه ويتحركوا

واخرجى الى الحارة اليسري (يوتيرن)

واسرعى ثم ادى اشارة يمين وروحى الحارة اليمنى لو طريق حارتين

لو طريق ثلاث حارات بتروحى الحاره اللى فى المنتصف

لماذا؟

لانك لو استمرتى يسار وانتى بطيئه هتجبري السيارات اللى وراكى على تجاوزك من اليمين وهتوقعيهم فى الغلط بسببك

لكن ممكن تفضلى فى الحارة اليسرى ان سرعتى وخدتى نفس سرعة الشارع

لو اشارة مش دوار:

🍉نفس الموضوع بتقسمى الشارع اتنين🍉

🍉يمين

🍉ويسار

🍉الجزء اليمين للدخول يمين الشارع او السير بشكل مستقيم

للدخول يمين وغالبا بيكون فى حارة صغيرة للخروج يمين

🍉الجزء اليسار للدخول الى يسار الشارع او عمل يوتيرن

يوتيرن U فى الاشارات🐬🐬

بتاخدى الحارة اليسرى( اخر حارة فى اليسار)

بتدى اشاره يسار

لازم تخرجى فى الحارة اللى بعد الاوله زى الرسمة

اوعى تدخلى فى اى حارة وخلاص

الحارة التانيه فقط حتى لو الدوران عشرين حارة

🍉بتبدأى لف الدريكسيون مع بداية الرصيف اللى كتبه علية دوران

-بعد ما تتعدل السيارة وتسير بشكل مستقيم دوسي بنزين والتزمى بسرعة الشارع

شوية ملاحيظ:

🌏الدورات الكبيرة بس هى اللى وانتى خارجه تبصي فلاش على المراية اليمنى لان الدوارات الكبيرة بتتسع لسيارتين عند الخروج

🌏أول حاجة وانتى داخلة على الدوار من المنشار التانى تبصي على الاشارة

خضراء خشي على طول

حمراء قفي

اصفر متقطع هنا بقه اللى لازم تقرأى الدوار وتشوفى هل فى سيارات داخل الدوار جاية من يسارك وله فاضى

🌏داخل بعض الدوارت فيه اشارات انتبهي لها

🌏وانتى خارجه من اى دوار بتلاقى لوحه او اشارة مكتوب عليها سرعة الشارع اللى هتمشى فيه التزمى بالسرعه المكتوبة

🌏مهم مهم مهم تقراى الدوار من بدرى لان الدوار لو فى فرصه لدخولك اللى وراكى هيتوقع فى الغالب انك هتتحركى وتدخلى الدوار وممكن لا قدر الله يلبس فى العربيه لو ما تحركتيش

🌏مهم مهم تدخلى الدوار وانتى مهديه العربيه ما تقفيش بشكل كامل الا لو فى اشاره تمنع او السيارات داخل الدوار

🍰 التزمى بسرعة الشارع اوعى تبطئ او تسرعى (البنت اللى معايا كانت ملتزمه لكن سقطت علشان كانت ماشيه بسرعة 40 فى شارع سرعتة 80)

بصى فى عداد السرعه من حين الى اخر

🍰التزمى بسرعة 20 الى 30 فى الشوارع الداخليه الصغيرة امام المنازل والمدارس

-ودايما بصي في مرايتك طول ما انتي ماشيه المرايه اللى فى النصف واليسار واليمين علشان تكونى قرايه الشارع اللى وراكى

والظابطه تعرف انك منتبه للشارع

-لوحة قف قفي بشكل كامل البريك وعدى 123 حتى لو الشارع فاضى

👀بصي على لوحات المرور لاى شارع انتى دخلاه ممكن يكون فى لوحة ممنوع الدخول او الزم جانب معين

👀- لما تقوللك اركني ماتقفيش علي طول اتاكدي ان المكان مناسب للوقوف وله لأ (بوابه او اشاره ممنوع الدخول الخ )

لو مناسب ادي اشاره وبصي في المرايا وبعدين اركني اعملى P و ادي انتظار وارفعي الهاند بريك وبصي في المرايا تاني قبل ماتفتحي الباب وتنزلي علشان اللى بعدك تمتحن.

-الاولويه ليكى لو فى شارع رئيسي اوعى تنسي وتقفي لحد خارج من جانبي .

-لو حد كسر عليكى الحل الوحيد انك تهدى وتسيبله مكانك

بس اوعى ترمى على الجهه الاخرى لحسن حد يكون بجوارك او جاى من خلفك

هدى فقط ومتحركيش الدريكسيون.

- فى التجاوز او التخطى انتقلى لحارة حارة ما تاخديش الشارع مقص مره واحده

بمعنى لو انتى فى اليمين بتدى اشارة بعد النظر فى المرايات وتروحى الحارة الوسط رجعى(اقفلى) الاشارة و امشي شوية صغيره راقبي المرايات وادى اشارة وروحى الحارة اليسار.

-اهم شئ رجعى(اقفلي) الاشارة بعد انتهاء الغرض منها

- اتركى مسافة مناسبة بينك وبين اللى امامك

-ولو وقفتى اشاره او غيره خليكى شايفه عجلتين اخر السياره اللى امامك ثم تقفى .

-سيارات الاسعاف 10 متر لازم يكون بينك وبينها عند الوقوف فى الاشارات او غيرة

-ركزى الضابطه قالتلك يمين وله يسار وما تسأليش تانى انتى قولتى اية؟

-مسكة الدريكسيون بتعرف الضابطه انتى متحكمه فى السياره وله لأ

بلاش المسكه بطرطيف صوابعك والرقة دية حسيسي الظابطة انك متمكنة من العربية

كان هذا تعليم القيادة للنساء مع امتحان السياقة العملي في قطر ويشبه كثيرا امتحان الشارع في السعودية نتمنى للجميع التوفيق والنجاح من المرة الاولى.

هنا فيديو قلدية فى مسكة الدريكسيون