تسريح شعرك وانتى رايحه الجامعه او المدرسة ّ~او تسريح شعر بنتك بسهوله مع خبيرة تجميل
غسل الشعر بالشامبو
هاتى كوب عليه تقسيم لترات وخليه دايما فى الحمام علشان متكسليش
ليها استعمالين:
الاول انك تخففي الشامبو بالميه وتغسلي به الشعر
الثاني هيكون من وقت للتاني ربع كوب خل تفاح مش خل عادي وعليه لتر ميه
وتشطفي بيه الشعر اخر شطفه بيلمع ويطري ويمنع القشره وله فوايد كتير جدا
البلسم او حمام الكريم
وقت البلسم او حمام الكريم على الشعر بالكتير 10 دقايق وتشطفيه
لا تقربيه اوي من فروه الراس وده غلط الطريقه الصح على الاطراف ومنتصف الشعر
هتسلكي الشعر وهو عليه حمام الكريم او البلسم بمشط واسع
خلاص خلص الشاور بأمان الحمد لله وسلكتي الشعر وكل حاجه
هنروح لخطوه تسريح الشعر
ياريت بس التركيز والتنفيذ وان شاء الله النتائج هتشجعك
تسريح الشعر
براحه هتنشفي الشعر كويس وبدون جذب او شد
الفرشاه دي حلوه اوي فالتسريح وشعر الفرشه نفسه يكون مناسب
ولا ناعم اوي كده هتكون بتاعه البيبي ولا خشن اوي يجرح فروه الراس
خليها تكون متوسطه شعر الفرشاه بين ناعم وسميك علشان في منها انواع طبعا وممكن تستخدمى الفرشاه الخشنه لها فوائد ايضا
وديه نصيحه من فتاة أسيويه:
تسريح الشعر بالفرشاة يوميا راااااائع في توزيع الزيوت الطبيعية فى شعرك
أستخدام فرش الشعر الخشن بدلا من فرش الشعر البلاستيك والامشاط له فوائدد كثيرة:
-ينعم الشعر ويعطية لامعة وصحية
-ولفك تشابك الشعر
-و تنظيف الشعر وإزالة الأوساخ الزائدة
-يحفز خلايا الدم الحمراءفى فروة الرأس والتي تشجع نمو الشعر بشكل طبيعي
-والافراج عن الزيوت الطبيعية التي تنتجها فروة الرأس وتوزيعها على طول الشعره
دهان الشعر لتسريحه:
بالنسبه للزيوت ممكن ليكى
ومش بنصح بيها للاطفال
بس اخف زيت ليهم هو زيت جوز الهند
ومتحتاريش بين انواع ابسطها
باراشوت جولد
-عندك تقصف او هيشان
ممكن تستخدمي معاها سبراي زي تريس
هيظبط الشعر جدا
وارجوكم بلاش سيروم كتير ليكي او للاطفال
لان كتر نسبه ماده السيليكون فيه بتظبط الشعر فالاول وبعدين تتلفه
حتي الكريمات الطبيه كلها الي بتحتوي علي نسبه سيليكون الطبيب بيقولك 3 شهور و توقفيها
الغلط للناس الي بيعجبها الكريم وتفضل تستمر عليه وترجع تقول كان فالاول بيظبط شعري وبعدين اتلفه
لان فيه سيليكون زيه زي السيروم
طبعا في انواع سيروم معالجه وبتكون غاليه
لم وتسريح الشعر يوميا فى الصباح للجامعه او الشغل او المدرسه:
مع سبراي بايوبلاس
انتى صاحيه وشعرك هايش اثناء النوم
هقولك تعملي ايه
ارجوكي بلاش حركه غسل الشعر من الامام بالميه علشان يطري وتعرفي تسرحيه
ده كتره بيقصف الشعر اصلا من الامام
وبلاش روتين شد الشعر علي ورا كتير علشان الشعر سنه في التانيه هتلاقيه بيرجع لورا واتنحل للاسف
المهم
هتجيبي سبراي بدل الحركه بتاعه الميه
زي بايوبلاس
تحفه تحفه كل منتجات بايوبلاس
هي منتجات تركي كلها بالاعشاب الطبيعيه وبتركز اوي علي مشاكل التساقط
والتقصف ومعالجه الشعر
ممكن تجيبي علبه بخاخ فارغه
و تفضي فيها لسيون بانثينول
وكم بخه عالشعر ارحم من الميه
وهتلاقي الشعر مرن معاكي جدا وبيتسرح
او تفضى فيها لوسيون الوبانثين
بيقوى الشعر و بيحفز النمو
وفى الاخر التوك بلاش الصغيره بتقطع الشعر
طريقة غسل الشعر الصحيحه للبنات وفرد الشعر فيديو
وحلو جدااااافكرة تقسيم الشعر بالكلبسه فى الفيديو
ه
النصائح أغلبها من ساسو خبيرة التجميل
الموضوع حصري لمدونة حنه 7
الصور من مواقع مختلفه
تسريح شعرك وانتى رايحه الجامعه او المدرسة ّ~او تسريح شعر بنتك بسهوله مع خبيرة تجميل 