طريقه سريه للبيوتى سنتر لتفتيح البشره والجسم وتعطيره تستخدم فى ارقى الحمامات المغربى
تستخدم الوصفات الطبيعيه فى تفتيح الجسم والبشره بشكل سرى فى اكبر الاماكن وباغلى الاسعار برغم تكلفتها البسيطه جدا ولكن مفعولها سحرى فى تفتيح البشره وترطيبها .....انا جبتلكم سر من هذه الاسرار وعن تجربه شخصيه.
وبتكلفه بسيطه جدا ومكونات طبيعية 100%
وتعمل هذه الوصفه على تقشير الجلد الميت وتفتيح الجسم وازاله الشعر الزائد...
المكونات:
(بيضه _ ترمس مطحون _ رده دقيق_ ليمونه _ ماء مغلى )تحضرى كميه مناسبه بس يكون الترمس اكتر من الرده.
الطريقه:
نحضر الماء المغلى وتضعى عليه الترمس والرده وتقلبى بسرعه جدا علشان متكلكعش وتعصرى عليها ليمونه بحيث يكونوا عجينه شبه متماسكه وتسيبيها تبرد شويه وتقلبى البيضه عليهم .
وتحطيها على الوجه والجسم كله وتسيبيها لمده 30 دقيقه او لحد ما تنشف وتقومى بفركها براحه هتحسى بازاله الشعر الزائد وبعدها اغسلى الجسم والوجه كله بماء دافئ وادهنى اى نوع كريم ترطيب وهتحسى باكبر فرق شوفتيه فى حياتك لجسمك وبشرتك وكمان من غير اى تكلفه وكانك روحتى اكبر بيوتى سنتر فى مصر.
ولو حابه تخلى ريحه جسمك روعه ابشرى مكعب مسك على كريم الترطيب اللى هتدهنيه هيبقى جسمك ناعم وفاتح وريتحه جنان.
